STHS
hunyo 1983
premieron aguew ed pinablin eskuwelaan
ambasa so dikan dadakatan
ag niarawi say maestran manantandag
ed sikamin manbabagot na dikan ansasabot
say matak balet wala ed saray andirit
ya maniktikyab a singa manpapanaring
na antokaman ya unsabi
limmabas iray bulan
ritwal la so tepet ya "St. Thomas?"
tan say ebat ya "Amen"
no umpisa lay klase
ag met napalna so kumpisal kada biernes
no iner insulat la ed melag ya papel
so listaan na kasalanan
tan saray dasal ya MANISIA AK
AMA MI, tan AVE MARIA
maong labat agi ta aliwa'd salitan Latin
no oras na reses
amungkog kami la
diman ed beneg na eskuwelaan
kulaan daray managlako na kakanen:
kiniler, sago, inalambong ya ponti
dinekdekan o giniling ya kahoy
diman ka met makanengneng
na mansasanking, mantatatsing
tan manbubuntayog
no maminsan balet aliwan mabetbet
wala so ponitian
dia ed klase
bida ka no maong so impan-lupam
bida ka no maong so impan-ulom
bida ka no maong kan manlastog
bida ka met no dakel so karga na bulsam
lalo kan bida no kabusol ka na maestra
o palanang ka ed opisina na prinsipal
junior-senior prom
say kwanda sikatoya so sankaliketan
ed bilay na hayskul
para ed siak tila labat itan
tan tetetelen ko imay lasin maestro
ya angibagay man-barong kami no JS Prom
singa kami laingen impasak ed yurungan
makakaibeg ed saray kaklasin
akasulong na amerikana
kinapalan la so lupa makasayaw labat
ed paboriton sonata
say leksiyon:
no maminsan aliwan maong
so onor-onor ed matatak-ken
makapanangnangis man
o makapalek so adalan ed dakulap mo
sakey ak ya angaro ed sika
ag makalingwan ed saray aral tan bangat mo
no natandagan la so arapan mo
no nanunutan la so ngaran mo
agko naiwasan ya aga mangansiyon
o mantareren na:
"by the way side we thee behold
thy citadel of learning pure...
o hear thy sway Santo Tomas High..."
Nexus: Ang Aming Katha. Our Words. Our Works -- another Filipino literary ezine.
hunyo 1983
premieron aguew ed pinablin eskuwelaan
ambasa so dikan dadakatan
ag niarawi say maestran manantandag
ed sikamin manbabagot na dikan ansasabot
say matak balet wala ed saray andirit
ya maniktikyab a singa manpapanaring
na antokaman ya unsabi
limmabas iray bulan
ritwal la so tepet ya "St. Thomas?"
tan say ebat ya "Amen"
no umpisa lay klase
ag met napalna so kumpisal kada biernes
no iner insulat la ed melag ya papel
so listaan na kasalanan
tan saray dasal ya MANISIA AK
AMA MI, tan AVE MARIA
maong labat agi ta aliwa'd salitan Latin
no oras na reses
amungkog kami la
diman ed beneg na eskuwelaan
kulaan daray managlako na kakanen:
kiniler, sago, inalambong ya ponti
dinekdekan o giniling ya kahoy
diman ka met makanengneng
na mansasanking, mantatatsing
tan manbubuntayog
no maminsan balet aliwan mabetbet
wala so ponitian
dia ed klase
bida ka no maong so impan-lupam
bida ka no maong so impan-ulom
bida ka no maong kan manlastog
bida ka met no dakel so karga na bulsam
lalo kan bida no kabusol ka na maestra
o palanang ka ed opisina na prinsipal
junior-senior prom
say kwanda sikatoya so sankaliketan
ed bilay na hayskul
para ed siak tila labat itan
tan tetetelen ko imay lasin maestro
ya angibagay man-barong kami no JS Prom
singa kami laingen impasak ed yurungan
makakaibeg ed saray kaklasin
akasulong na amerikana
kinapalan la so lupa makasayaw labat
ed paboriton sonata
say leksiyon:
no maminsan aliwan maong
so onor-onor ed matatak-ken
makapanangnangis man
o makapalek so adalan ed dakulap mo
sakey ak ya angaro ed sika
ag makalingwan ed saray aral tan bangat mo
no natandagan la so arapan mo
no nanunutan la so ngaran mo
agko naiwasan ya aga mangansiyon
o mantareren na:
"by the way side we thee behold
thy citadel of learning pure...
o hear thy sway Santo Tomas High..."
Nexus: Ang Aming Katha. Our Words. Our Works -- another Filipino literary ezine.
Comments