Dalityapi Unpoemed

Bonding with Dr. Cirilo F. Bautista and Jose Jason Chancoco yesterday afternoon at Burger King, Kanlaon. I am also reposting here one of my Pangasinan sonnets dedicated to Dr. C. F. Bautista. sonito 108 nen kalabian pinigarpigar ko so talurtur ed dasig na anlong binaybay ko’y katagan aralem angga’d dinmala iya ed papil ed saman ko onan atawayan so samit tan pait na salitan nagmaliw ya ostia ya insubo na ilalam ko ed kanonotan onia manaya so umaanlong no onla’d akualan na inkadyus nakaukulan to so ompatey ya akayorong a singa Buddha ono akadepa ed kalbario na salita tan pilosopiya (Tagalog version) kagabi ay hinimayhimay ko ang bawat taludtud ng aking tula binaybay ang mga malalalim na kataga hanggang sa dumugo ang pahina noon ko lang unang natikman ang tamis at pait ng salita na naging ostiya na isinubo sa alaala ng aking pagkatao ganito pala ang isang makata kung hihiga sa kandungan ni Bathala kinakailangan mong mamatay nakaupo na parang si Buddha o nakadipa sa kalbaryo ng salita at...

Oyla! mansakey simba ak lan ag akapan-update ed sayan blog. Busy ya kuan para ed saya'y arapen a Gawad Komisyon 2007. Nen July 13, linma kami nen Dr. Ricky Nolasco ed Pangasinan kaiba so talora nin kabiangan na KWF. Say pegdat mi diman, say miting a tinogiop na Tamayo Foundation para ed saray nanduraman ulupan tan moyongan. Say abitlan miting et nipaakar ed say arapen a tulagan ono Conference on Pangasinan Culture and Language ed saya'y bulan na Agosto. Tan nen imbeneg ya agew labat, nila ak dia ed opisinak na sakey ya graduate student na PNU. Wala'y awit ton survey paper tan impaapiger to no duga so impangipatalus to ed saray laman na survey ed salitan Pangasinan. Tan wala ni so nagawan ACLE na UP Subol Society no August 16. Nipaakar kono ed Pangasinan Culture so usayan ono nepeg a pantongtongan kanian inawat ko so man-lecture. Bangta sakbay na ACLE onsempet ak ed Pangasinan pian makapimiting ed Ulupan na Pansiansia'y Salitan Pangasinan no a-29 na Hulio. Katawan! Agko ...

Pangasinan’s new governor, Amado Espino Jr., introduced new “house rules” for provincial government employees during his first Monday Flag Raising ceremony in front of the Capitol Building. Notably, he requires the use of the Pangasinan language among employees and when transacting business with the public. He said the official provincial language must be used in the capitol. “Everybody here should know how to speak Pangasinan. The Ilocano-speaking employees should start learning Pangasinan,” he said. more Natan wala la'y kamoyong mi ed adbokasia tan panpipilalekan ya iboyangabong lamet na salitan Pangasinan. Ilaloan ko met ya wala'y pililikna na balon gubernador na luyag ed litiratura odino kuritan na Pangasinan ta sikatoya so talagan wala la'd tambib na kabalang. Pigpigara la so sumusulat tan mansusulat ed salitan Pangasinan. Dia ed inlabas na limamplon taon ompano anggapo'y samploran Pangasinan a libro so nigalut tan nipalapag.

Naimbitaan ak ya manbangat ono mangiter na lektiur nen karuman, 4 July, para ed 2007 Magdalo Campus Journalism Seminar-Workshop dia ed pantratrabahoan kon awiran o kolihiyo - Emilio Aguinaldo College. Sayan seminar-workshop et tinogiop nen Dr. Leopoldo M. Delacruz, Jr., say balon adviser na palapagan ya Magdalo tan sakey met ya umaanlong tan mangoolo ed kawalaan kon departaminto. Lapu'd ag ak abagaan ya tampol, angala ak la'y pakdaar ko dia ed web tan say apilik et no panon so mangipawit o mansumiti na anlong (making poetry submission) ed saray palapagan. Ag ak la kinmebiew ed arapan na ag onsoluk - ag onkulang ya apataplon manaaral ed abitlan iskuilaan ta aliwan saya so unaan ya impiarap ko ed karaklan. Bangta aya so unaan ko ed EAC. Kaibak iran angiter tan angiapag na kakabatan da si Ms. Sandra San Luis Mijares ed pakdaar a feature writing tan si Seymour Barros Sanchez ed editorial tan news writing.

Nen imbeneg a taon 2006 ed bulan na Agosto, sakey so salitan Pangasinan ed intopleg a paliagan na anlong dia'd panamegley na Komisyon sa Wikang Filipino (KWF). Bangta, singa insalet labat so Pangasinan ta ag iya abitla ed impalapag a press release. Anggaman ontan, lapu'd seseg nen Dr. Marot Nelmida-Flores, alagyat si pangolon komisioner Nolasco ya pundoan so paliagan para ed Pangasinan. Kapangipakabat nen Dr. Flores ed siak ya natuloy so paliagan, amikal kamin tampol tan amaarap ed Pangasinan pian ipakabat met ed saray kabiangan ono miembro na Ulupan na Pansiansia'y Salitan Pangasinan. Nankasakeyan mi no siopa 'ra so magmaliw a hurado. Dia'd maganon pangidalatdat, agmi inilaloan so nepeg ya ilaloan. Agawa tan asumpal so paliagan bangta wala 'ra'y totoon ambelat so linawa ra ta ag ira apalugaran tan agda agamoran so dayew a nayarin inter na sakey a paliagan. Angga ni'd natan et agda ni natalusan no akin et saray apili tan analo ed saman a paliagan et wala...

Intundak nin magano so mansulat na anlong ed salitan Pangasinan legan ya agni naigalut tan nipalapag so librok a Malagilion: Sonnets tan Villanelles. Imparungtal ko la'ya ed Komisyon sa Wikang Filipino (KWF) agla piga ya makalekem ono makaala ak na pondo ed panamegley na komisioner ya impasen para ed luyag na Pangasinan. Bangta, agko balet sisiguroen no wala so nagamoran ya "publication grant" manlapu ed KWF ta amtak a dakel so proyikton pantutuonan da natan na imano. Sakey la'y nagawan Conference on Pangasinan Language and Culture a kuan ed saya'y arapen a Hulio 2007. Pirawat kon natuloy iyan tulagan tan aliwan osa-osa labat pian ombaleg so dengel na niletneg a komisioner.

No ikorit ko so dilin bilay-awaran, sarayan sinoniton anlong so mangiparungtal na pangitatalindeg ko ed ibulaslas na Parnasun Pangasinan. Karaklan ed sarayan anlong et nipaakar ed pangitatanduro na salita, pamalayug na kultura ed luyag tan pamaoli ed Pangasinan bilang sakey a litirarion lingguahi. Nipaakar met irayan anlong ed pakdaar ya inaon ed tongtong, tagaumen, uliran tan awaran ya inimsay ed talaagewan odino diurnal. Katatdang na komaduan milinio, say kuritan o litiraturan Pangasinan et wala la ed tambib na d(ibolusion), bangbalet, balbaleg so pananisiak ya ag iya bengat lan nabalang odino naandi legan ya wala ni’ra’y sumusulat tan umaanlong a matoor so pililikna ed tawir tan abangonan a salita. Masurin tua ya say bilay na salita et wala ed mabunan litiratura. prologo (para ed say Ulupan na Pansiansia’y Salitan Pangasinan tan saray mansusulat ed abangonan a salita) isibuag tayo’d intiron luyag saksakey akup a binin bokel no wala’y ontubo ed saraya itanem ed mabuna ya dalin pian ...