A poem dedicated to my father who painstakingly recalled and taught me one of the old Pangasinan songs known as Petek.

para ed si papa

naimanuk so liket na mata yo
nen anunutan koy simmempet
antis na pigaran bulan
liknak balet so irap yo
no nayari labat akoen ko la

naandi lay kasil na laman yo
pabes lay maksil ya bosis yo

agko la anta no kapigan
imay samput ya impan-istoryaan tayo
tinepet ko no oalay anta yo 'ran anlong
odino karaanan iran cansion

kuanyo alingoanan yo la 'ra
natareren tan angansion kayo balet
na cansion na sakey ya umpetek

masurin tuay kaoayan
ta no melag ni et isanglaw
no baleg la et isaklang
kalaben daray kumakaraw

linma ak dia kalabian
tinoor koy sipanan
amiddua ak lan simmegam
pitaoey moy undungaw

nen siak so apasnukan
ginuyor koy takayan
dinalolos koy dukulan
tinongtong koy kabaliksan

say kuan mo ya immebat
"ag ka dia bengat-bengat
no nasabian to ka nen amak
agko antay gaoaen to'd siak"

ibagam ed kinen amam
ta sikamin duay manbakal
ag kami met mansugatan
ta sikamin duay sankatulangan

say pakaantak mabetbet nensaman
kansionan yo ak ni anggad agko
pakaugip na labi

natan abagon so dalak ya nandengel
anggad ingkasumpal na cansion yo

man alas-dos lad palbangon
nen dimmeen tayo
salamat ed saray ebat yo'd
saray tepet tan upapet ko

agko la anta no kapigan
so samput ya impan-istoryaan tayo
aya la siguro so sangkarukeyan

nabuas umpikal ak lamet
sikayon natilak o taynan ko
man-alagar na isabiy
pansirunget na bilay

Comments

Post a Comment

Popular posts from this blog

Makata Issue No.10 is now available online featuring the poetry (in English, Tagalog, and Bikol) of our in-house and new poets Leo Fernandez Almero, Ana Ablaza Baluyut, Danny P. Barbare, Srinjay Chakravarti, Jose Jason L. Chancoco, Kristian S. Cordero, Lee de Guzman, Rosendo M. Makabali, Tony Mercado Peña, Alexander Martin Remollino, Bill Mitsuru T. Shimizu, Keli Stafford, and Nick Zegarac . Also included in this issue the literary column (in Bikol language) Vers Libre by Jose Jason L. Chancoco and Civil War! (Vox Pangasinense) by Fred Natividad. Kanit (anlong kabayaoasan) sakey a kabuasan mamaspasiar si kanit ed paritpit kapetek to'd mapalion a sukal atertera'y linaew say kuan ton manetetel agi! agay laya'y Linaew ay pinuter to'y salik! alioan siak! kuanen Linaew si Agew ta tutunaoen to ak! agi! agay laya'y Agew ay tutunaoen to'y Linaew kanian si Linaew pinuter to'y salik! alioan siak! kuanen Agew si Lurem ta sasanibsani...
Read more

A Pangasinan Christmas Carol : Galikin odino Aligando (Gift)

(say Galikin odino Aligando, kakansionen diad Agew ya Inkianak na Katawan) Masantos tan mablin oras So inter na Dyus laoas Ombangon itin misalamat Ombangon itin misalamat Tan inanak la'y Dyus anak Tan inanak la'y Dyus anak Ombangon itin onliing Agagi mi'ran ami-amin Ta inanak la nen Marian Birhin Ta inanak la nen Marian Birhin So ari'd taoen tan dalin So ari'd taoen tan dalin (Ebat ed Galikin) Galikin Galikin Kapastorisan Gali kayon Gali kayon manangigalang Ed ari ra'y Ed ari ra'y kataoaenan A dia'd Belen so nianakan A dia'd Belen so nianakan (Ebat ed Biteoen) Biteoen Biteoen kan pinmanengneng Diman ed Diman ed letaka'y agew Sikato 'ma'y Sikato 'ma'y tumtumbuken Na talo'ran ararin kuanen Na talo'ran ararin kuanen Ta nen baleg la’y lokun to Nen Marian ma-Divino Linma ya dinalaw to Linma ya dinalaw to Si Isabel a kapinsan to Si Isabel a kapinsan to Sakey ya anghil so dinmago San Gabriel so ngaran to Bang say kuan ton angiba...
Read more

About | Santiago Villafania

Image
Santiago Villafania is a bilingual Filipino poet who writes in English and in his native language of Pangasinan. Born in Tuliao, Sta. Barbara, Pangasinan on 31 January 1971, Villafania graduated with a degree of Bachelor of Arts in English from the University of Pangasinan in 1991. Villafania advocates for the resurgence of Pangasinan as a literary language. His works in the vernacular are some of the most representative, if not among the few that comprise that Pangasinan contemporary literary body. In his first book Balikas na Caboloan (Verses from Caboloan), the Pangasinan anlong resurfaces asserting its tradition amidst intersecting and pollinating genres and literary influences. His book of poems, Malagilion: Sonnets tan Villanelles , is an attempt to open the propylaea of literary renaissance in Pangasinan. This second book by Pangasinan’s leading poet today is impressive in both form and substance. Villafania has created 300 sonnets and 50 villanelles in his own language that a...
Read more