I'll be attending the AWARD (in Laoag City?) and the Ulupan-Pangasinan (PSU-Lingayen) meetings tomorrow -- 16th of February 2003. Will follow-up on the participation of our association for the World Poetry Day and present/submit some of my works for publication.



An experimental poem in Pangasinan language after my Sapphics or Sapphic Verses.



Talurtur a Sapphica



i.



di payak a salita

balikas ed dagem

balikas ed danum

balikas ed dalin

balikas ed apoy

tan balikas ed kumaliman iliminto

ya tataoagen da'y aro



ii.



dengel mo

ta ibalikas ko

a singa si Sappho

nen inbalikas to

iray liknaan to

para ed sakey a diosan

kolor-ubi so mosing

na sosó



iii.



nen inmulagat koy matak

ag ak ni agaoat

na balitoc ya gamet

nen Eos





iv.



maminsan ni pinabli

sakey ak ya kumpapey

asagmak ed dakep

na inka-rosas mo

agaylay palar ko ey!



v.



oalay anton aponsil

ed pagew ko inaro

nen dinmalan ka

ed arapan ko



vi.



akalek iray ag nanengneng

meremere iray bolobolong

angob na ilang-ilang

so mapalayupoy a dagem



vii.



agaylay kaatagey

agko nagaoat

so labiteoen

pian nagamoran

so panangarom





viii.



anto so nibaga na matam?



ix.



nakaukulan taka

O musian Erato

manpatanir kan magano

ed palandey mon Parnassus



x.



angoban mo ak

pian unsamit

so balikas ko



xi.



labiteoen

malinac nen say labin

mapalnay dagem



xii.



binangonan kon tampol

so kugip kalabian

anengneng ko si Cupido

nen inbasibas to

so buragaw a balabar to

lapu'd imon to'd siak!

xiii.



alagey ka

alagey ka

tan arap ka'd siak

lakseban mo so matam

pian nanengneng mo

so panangarok



xiv.



odino lakseban mo

so matak O Erato!

pian nanengneng ko

so kolor na balikas

ya inyesaes mo'd siak



xv.



naandi lay bulan

naandi met lay Pleiades

dia ed kapegleyan na labi

mareen ya linmabas so oras

nanbinukbokoran ak

uumamengen so limgas

na lupam pinabli

tan say samit na imis mo



xvi.



say angob

at alioan angob

no anggapoy bales ya angob



xvii.



anto so taoay na bibil kon

sakey met ya kupla?



xviii



no mabilay si Sappho

ed sarayan panaon

tan makatalos na salitak

no nabasa to irayan balikas

anto met kasi so nibaga na mata to?



xix.



anto so nibagam

O sakey a manangaro?



xx.



anto so nibagam inaro?

Comments

Post a Comment

Popular posts from this blog

Makata Issue No.10 is now available online featuring the poetry (in English, Tagalog, and Bikol) of our in-house and new poets Leo Fernandez Almero, Ana Ablaza Baluyut, Danny P. Barbare, Srinjay Chakravarti, Jose Jason L. Chancoco, Kristian S. Cordero, Lee de Guzman, Rosendo M. Makabali, Tony Mercado Peña, Alexander Martin Remollino, Bill Mitsuru T. Shimizu, Keli Stafford, and Nick Zegarac . Also included in this issue the literary column (in Bikol language) Vers Libre by Jose Jason L. Chancoco and Civil War! (Vox Pangasinense) by Fred Natividad. Kanit (anlong kabayaoasan) sakey a kabuasan mamaspasiar si kanit ed paritpit kapetek to'd mapalion a sukal atertera'y linaew say kuan ton manetetel agi! agay laya'y Linaew ay pinuter to'y salik! alioan siak! kuanen Linaew si Agew ta tutunaoen to ak! agi! agay laya'y Agew ay tutunaoen to'y Linaew kanian si Linaew pinuter to'y salik! alioan siak! kuanen Agew si Lurem ta sasanibsani...
Read more

A Pangasinan Christmas Carol : Galikin odino Aligando (Gift)

(say Galikin odino Aligando, kakansionen diad Agew ya Inkianak na Katawan) Masantos tan mablin oras So inter na Dyus laoas Ombangon itin misalamat Ombangon itin misalamat Tan inanak la'y Dyus anak Tan inanak la'y Dyus anak Ombangon itin onliing Agagi mi'ran ami-amin Ta inanak la nen Marian Birhin Ta inanak la nen Marian Birhin So ari'd taoen tan dalin So ari'd taoen tan dalin (Ebat ed Galikin) Galikin Galikin Kapastorisan Gali kayon Gali kayon manangigalang Ed ari ra'y Ed ari ra'y kataoaenan A dia'd Belen so nianakan A dia'd Belen so nianakan (Ebat ed Biteoen) Biteoen Biteoen kan pinmanengneng Diman ed Diman ed letaka'y agew Sikato 'ma'y Sikato 'ma'y tumtumbuken Na talo'ran ararin kuanen Na talo'ran ararin kuanen Ta nen baleg la’y lokun to Nen Marian ma-Divino Linma ya dinalaw to Linma ya dinalaw to Si Isabel a kapinsan to Si Isabel a kapinsan to Sakey ya anghil so dinmago San Gabriel so ngaran to Bang say kuan ton angiba...
Read more

About | Santiago Villafania

Image
Santiago Villafania is a bilingual Filipino poet who writes in English and in his native language of Pangasinan. Born in Tuliao, Sta. Barbara, Pangasinan on 31 January 1971, Villafania graduated with a degree of Bachelor of Arts in English from the University of Pangasinan in 1991. Villafania advocates for the resurgence of Pangasinan as a literary language. His works in the vernacular are some of the most representative, if not among the few that comprise that Pangasinan contemporary literary body. In his first book Balikas na Caboloan (Verses from Caboloan), the Pangasinan anlong resurfaces asserting its tradition amidst intersecting and pollinating genres and literary influences. His book of poems, Malagilion: Sonnets tan Villanelles , is an attempt to open the propylaea of literary renaissance in Pangasinan. This second book by Pangasinan’s leading poet today is impressive in both form and substance. Villafania has created 300 sonnets and 50 villanelles in his own language that a...
Read more