inbokasion nen Malagilion

nampalikna so musiak
ya si Erato no alioan
say kumasamplon agi to
nen siak so ogaw ni
singa anggapo ni nensaman
noágta esaes ed kaoalan
so pantaoag to'd siak
diman ed Parnasu

nanuleyan to so bilay
ayan milankolia
ayan tintinabulasion
ayan oleg ya angakmon
na ikul ton dili

sphinx manticore erebus
draco unicorn pegasus
mapaluyag iran prinomen kon
angiter na linaoa tan lioaoa
ed inka-makatak bilang sakey
ya malapatin agilan lion

angga ed sinmabi kan
singa si Melchizedek
ya amanday na kaotel-otelan
na kanonotan ko ed panamegley
na ngalab mon salita

gala O pinablin musia
gala O maandon aro
panuán mo so kakabatan ko
panuán mo na kasalanan so oluk
angga'd manmaliw ak met lan
singa sikan binmeneg
ed ley na maktek iran umaanlong
ya oala'y siping a dila
tan matan Medusa

et no mamasnuk bilang
si Aman-Agaylay
angoban ko O angoban ko
so agni naangoban a bibil ton
alingoanan ya inangoban nen Hudas
pian nabitla to so ngaran
ya inusar ton amalsa
ed santinakpan

Nexus: Read a random poem at Poetry Archives

Comments

Post a Comment

Popular posts from this blog

Makata Issue No.10 is now available online featuring the poetry (in English, Tagalog, and Bikol) of our in-house and new poets Leo Fernandez Almero, Ana Ablaza Baluyut, Danny P. Barbare, Srinjay Chakravarti, Jose Jason L. Chancoco, Kristian S. Cordero, Lee de Guzman, Rosendo M. Makabali, Tony Mercado Peña, Alexander Martin Remollino, Bill Mitsuru T. Shimizu, Keli Stafford, and Nick Zegarac . Also included in this issue the literary column (in Bikol language) Vers Libre by Jose Jason L. Chancoco and Civil War! (Vox Pangasinense) by Fred Natividad. Kanit (anlong kabayaoasan) sakey a kabuasan mamaspasiar si kanit ed paritpit kapetek to'd mapalion a sukal atertera'y linaew say kuan ton manetetel agi! agay laya'y Linaew ay pinuter to'y salik! alioan siak! kuanen Linaew si Agew ta tutunaoen to ak! agi! agay laya'y Agew ay tutunaoen to'y Linaew kanian si Linaew pinuter to'y salik! alioan siak! kuanen Agew si Lurem ta sasanibsani
Read more

About | Santiago Villafania

Image
Santiago Villafania is a bilingual Filipino poet who writes in English and in his native language of Pangasinan. Born in Tuliao, Sta. Barbara, Pangasinan on 31 January 1971, Villafania graduated with a degree of Bachelor of Arts in English from the University of Pangasinan in 1991. Villafania advocates for the resurgence of Pangasinan as a literary language. His works in the vernacular are some of the most representative, if not among the few that comprise that Pangasinan contemporary literary body. In his first book Balikas na Caboloan (Verses from Caboloan), the Pangasinan anlong resurfaces asserting its tradition amidst intersecting and pollinating genres and literary influences. His book of poems, Malagilion: Sonnets tan Villanelles , is an attempt to open the propylaea of literary renaissance in Pangasinan. This second book by Pangasinan’s leading poet today is impressive in both form and substance. Villafania has created 300 sonnets and 50 villanelles in his own language that a
Read more

Gamal: A Collection of Pangasinan Short Stories

Dr. Linda R. Andaya released her first Pangasinan book entitled Gamal tan arum ni'ran antikey ya istorya . A collection of Pangasinan short stories. It's because of this book that I came out with the following sonnet: sonito 216 (ed libron Gamal tan arum ni'ran antikey ya istorya nen Dr. Linda R. Andaya) aliling to'y tanol na tambuyog ono hambayo'd gilig na dayat lalagyaten to'y kailalakan ed akualan na dilin salita sarayan antikey ya istorya so manliliing ed saray musia pian ombulaslas so panulatan dia ed Parnasu na Caboloan egpang irayan pakarukdukan na panangaro tan pangoliran tongtong irayan binmabalitok ed litiraturan Pangasinan parlasan mo'y matam kaluyagan isasalming tonia so kulturam
Read more