Makata Issue No.10 is now available online featuring the poetry (in English, Tagalog, and Bikol) of our in-house and new poets Leo Fernandez Almero, Ana Ablaza Baluyut, Danny P. Barbare, Srinjay Chakravarti, Jose Jason L. Chancoco, Kristian S. Cordero, Lee de Guzman, Rosendo M. Makabali, Tony Mercado Peña, Alexander Martin Remollino, Bill Mitsuru T. Shimizu, Keli Stafford, and Nick Zegarac.

Also included in this issue the literary column (in Bikol language) Vers Libre by Jose Jason L. Chancoco and Civil War! (Vox Pangasinense) by Fred Natividad.

Kanit
(anlong kabayaoasan)

sakey a kabuasan
mamaspasiar si kanit ed paritpit
kapetek to'd mapalion a sukal
atertera'y linaew
say kuan ton manetetel
agi! agay laya'y Linaew ay
pinuter to'y salik!

alioan siak!
kuanen Linaew
si Agew ta tutunaoen to ak!

agi! agay laya'y Agew ay
tutunaoen to'y Linaew
kanian si Linaew pinuter to'y salik!

alioan siak!
kuanen Agew
si Lurem ta sasanibsaniban to ak!

agi! agay laya'y Lurem ay
sasanibsaniban to'y Agew
si Agew tutunaoen to'y Linaew
kanian si Linaew pinuter to'y salik!

alioan siak!
kuanen Lurem
si Dagem ta ipapalirpalir to ak!

agi! agay laya'y Dagem ay
ipapalirpalir to'y Lurem
si Lurem sasanibsaniban to'y Agew
si Agew tutunaoen to'y Linaew
kanian si Linaew pinuter to'y salik!

alioan siak!
kuanen Dagem
si Padir ta sasamsamberan to ak!

agi! agay laya'y Padir ay
sasamsamberan to'y Dagem
si Dagem ipapalirpalir to'y Lurem
si Lurem sasanibsaniban to'y Agew
si Agew tutunaoen to'y Linaew
kanian si Linaew pinuter to'y salik!

alioan siak!
kuanen Padir
si Otot ta bubutboten to ak!

agi! agay laya'y Otot ay
bubutboten to'y Padir
si Padir sasamsamberan to'y Dagem
si Dagem ipapalirpalir to'y Lurem
si Lurem sasanibsaniban to'y Agew
si Agew tutunaoen to'y Linaew
kanian si Linaew pinuter to'y salik!

alioan siak!
kuanen Otot
si Pusa ta buabuagen to ak!

agi! agay laya'y Pusa ay
buabuagen to'y Otot
si Otot bubutboten to'y Padir
si Padir sasamsamberan to'y Dagem
si Dagem ipapalirpalir to'y Lurem
si Lurem sasanibsaniban to'y Agew
si Agew tutunaoen to'y Linaew
kanian si Linaew pinuter to'y salik!

alioan siak!
kuanen Pusa
si Aso ta uusilan to ak!

agi! agay laya'y Aso ay
uusilan to'y Pusa
si Pusa buabuagen to'y Otot
si Otot bubutboten to'y Padir
si Padir sasamsamberan to'y Dagem
si Dagem ipapalirpalir to'y Lurem
si Lurem sasanibsaniban to'y Agew
si Agew tutunaoen to'y Linaew
kanian si Linaew pinuter to'y salik!

alioan siak!
kuanen Aso
si Apoy ta dadangdangen to ak!

agi! agay laya'y Apoy ay
dadangdangen to'y Aso
si Aso uusilan to'y Pusa
si Pusa buabuagen to'y Otot
si Otot bubutboten to'y Padir
si Padir sasamsamberan to'y Dagem
si Dagem ipapalirpalir to'y Lurem
si Lurem sasanibsaniban to'y Agew
si Agew tutunaoen to'y Linaew
kanian si Linaew pinuter to'y salik!

alioan siak!
kuanen Apoy
si Linaew ta sesebseban to ak!

kuan ko la et
si Linaew so amuter na salik!

alioan siak!
alioan siak!
kuan to lamet nen Linaew

amaladis si Makauley
ed naimatunan ton pantuturoan da
akigtot si Karul
mannangis si Taoen
adelap si Dalin kayari'y pito'ran agew

dia'd kiew a naanor
oadma'y Aso ya akasampa
akadagi'd sikato'y Pusa
tan si Pusa sankatangal to'y Otot

si Kanit balet oala'd sakey a sanga
no iner igagayogoy to'y sali ton aputer

Comments

Post a Comment

Popular posts from this blog

About | Santiago Villafania

Image
Santiago Villafania is a bilingual Filipino poet who writes in English and in his native language of Pangasinan. Born in Tuliao, Sta. Barbara, Pangasinan on 31 January 1971, Villafania graduated with a degree of Bachelor of Arts in English from the University of Pangasinan in 1991. Villafania advocates for the resurgence of Pangasinan as a literary language. His works in the vernacular are some of the most representative, if not among the few that comprise that Pangasinan contemporary literary body. In his first book Balikas na Caboloan (Verses from Caboloan), the Pangasinan anlong resurfaces asserting its tradition amidst intersecting and pollinating genres and literary influences. His book of poems, Malagilion: Sonnets tan Villanelles , is an attempt to open the propylaea of literary renaissance in Pangasinan. This second book by Pangasinan’s leading poet today is impressive in both form and substance. Villafania has created 300 sonnets and 50 villanelles in his own language that a
Read more

A Pangasinan Christmas Carol : Galikin odino Aligando (Gift)

(say Galikin odino Aligando, kakansionen diad Agew ya Inkianak na Katawan) Masantos tan mablin oras So inter na Dyus laoas Ombangon itin misalamat Ombangon itin misalamat Tan inanak la'y Dyus anak Tan inanak la'y Dyus anak Ombangon itin onliing Agagi mi'ran ami-amin Ta inanak la nen Marian Birhin Ta inanak la nen Marian Birhin So ari'd taoen tan dalin So ari'd taoen tan dalin (Ebat ed Galikin) Galikin Galikin Kapastorisan Gali kayon Gali kayon manangigalang Ed ari ra'y Ed ari ra'y kataoaenan A dia'd Belen so nianakan A dia'd Belen so nianakan (Ebat ed Biteoen) Biteoen Biteoen kan pinmanengneng Diman ed Diman ed letaka'y agew Sikato 'ma'y Sikato 'ma'y tumtumbuken Na talo'ran ararin kuanen Na talo'ran ararin kuanen Ta nen baleg la’y lokun to Nen Marian ma-Divino Linma ya dinalaw to Linma ya dinalaw to Si Isabel a kapinsan to Si Isabel a kapinsan to Sakey ya anghil so dinmago San Gabriel so ngaran to Bang say kuan ton angiba
Read more