Psywar na Literati ed Ibali
Samplo’ran taon ak lan oala’d Ibali (Manila), ag la niburi o niyamut na kaparak iran umaanlong so nagagaoan psywar na literati tan ulupan ya oala ed saray atagey ya aoiran tan unibersidad laut la ed UP, Ateneo, UST, La Salle kaiba met la’y Silliman tan arum ni’ran aoiran ed Visayas tan Mindanao.
Say pakadisir ko et ginmapo iya nen linmesa ira’y palian odino writing workshops ya inumpisaan na Silliman tan UP sakbay na dikada ‘70 no ag ak bilang nalilingo. Pinmaoay la’d akademia iyan psywar tan akasabi la ed saray managsaluysoy na anlong ed saray mayor a palapagan ed lapag a bansa – dia’d Panorama, Free Press, Graphic, Sunday Inquirer, Sunday times Magazine, Homelife tan arum ni’ran Literary Folios.
Nairapan so balo tan ag ni kabat ya umaanlong a mangigalot na anlong ed sarayan abitlan palapagan tan magasin puira labat la no kabat ka na editor ono oala ‘ra’y padrinom tan padrinam ed saray dingaran lan sumusulat odino kabiangan ka na sakey ed saray ulupan a singa say Linangan sa Imahe, Retorika at Anyo (LIRA), UMPIL, tan arum ni’ran literary groups ya akabasi ed saray unibersidad.
Onia met so nagagaoa natan ed saray anlongan ono Poetry Readings dia ed Ibali. Mabetbet paliagan so kasusumpalan na tinogiop ya poetry readings a singa sama’y nakar ko aminsan ed pasen a tataoagen dan Conspiracy ed Quezon City no iner kasumpal a nambasa ono anganlong irama’y akaunan tinaoag tampol met la’ran tinmaynan a singa anggapo’y oala. Nababaingan kalamor irama’y manumtumbok a manbasa ta pigpigara la’y atilak ya ondengel. Open mic komun ya kuan balet saray kabiangan na ulupan da labat ira’y pilatek tan labay dan narengel a manbasa ed saman ya poetry reading. Showoff tan pomposity na kabat iran umaanlong laingen so nagmalioan ton man ya anlongan.
No onia lan onia so naimatonan na sumusulat tan umaanlong ya oala ni’ra ed kalangoeran, singa met la pulitika so litiratura tayo naani. Anggapo’y yaliguas tonia ta pian mipara ed kalidad na litiratura ed kaabay tayo ‘ran nasion ed biak taew no saray umaanlong tayo et anggapo’y pankakasakey.
Angan ko kanepegan lan ombulaslas so Renaissance na litiraturan Pangasinan ontan met ed litiratura na arum ni’ran luyag. Paulian tayo lan manganlong ira’y Tagala ed dili ran salita.
Akin et nibagak iya?
Atongtong nen Bienvenido Lumbera ed liktura to aminsan ed UST so sakey a Kastilan nansulat na anlong ed salitan Tagalog tan impabasa to’ya ed umaanlong a Tagala. Say kuan na umaanlong “maganda... datapwat hindi tula”. Nagagaoa iya natan ed saray umaanlong ya alioan Tagala tan kumaduan dila ra labat so Tagalog, Pilipino o Filipino.
No ontan sirin, no say sakey ya umaanlong a dapo ed Pangasinan et anganlong ed salita o lingguahi tayo, nibagak met ya “marakep... bangbalet alioan anlong” so anlong to anggan anto’y dakep tonia.
Psywar anto?
Samplo’ran taon ak lan oala’d Ibali (Manila), ag la niburi o niyamut na kaparak iran umaanlong so nagagaoan psywar na literati tan ulupan ya oala ed saray atagey ya aoiran tan unibersidad laut la ed UP, Ateneo, UST, La Salle kaiba met la’y Silliman tan arum ni’ran aoiran ed Visayas tan Mindanao.
Say pakadisir ko et ginmapo iya nen linmesa ira’y palian odino writing workshops ya inumpisaan na Silliman tan UP sakbay na dikada ‘70 no ag ak bilang nalilingo. Pinmaoay la’d akademia iyan psywar tan akasabi la ed saray managsaluysoy na anlong ed saray mayor a palapagan ed lapag a bansa – dia’d Panorama, Free Press, Graphic, Sunday Inquirer, Sunday times Magazine, Homelife tan arum ni’ran Literary Folios.
Nairapan so balo tan ag ni kabat ya umaanlong a mangigalot na anlong ed sarayan abitlan palapagan tan magasin puira labat la no kabat ka na editor ono oala ‘ra’y padrinom tan padrinam ed saray dingaran lan sumusulat odino kabiangan ka na sakey ed saray ulupan a singa say Linangan sa Imahe, Retorika at Anyo (LIRA), UMPIL, tan arum ni’ran literary groups ya akabasi ed saray unibersidad.
Onia met so nagagaoa natan ed saray anlongan ono Poetry Readings dia ed Ibali. Mabetbet paliagan so kasusumpalan na tinogiop ya poetry readings a singa sama’y nakar ko aminsan ed pasen a tataoagen dan Conspiracy ed Quezon City no iner kasumpal a nambasa ono anganlong irama’y akaunan tinaoag tampol met la’ran tinmaynan a singa anggapo’y oala. Nababaingan kalamor irama’y manumtumbok a manbasa ta pigpigara la’y atilak ya ondengel. Open mic komun ya kuan balet saray kabiangan na ulupan da labat ira’y pilatek tan labay dan narengel a manbasa ed saman ya poetry reading. Showoff tan pomposity na kabat iran umaanlong laingen so nagmalioan ton man ya anlongan.
No onia lan onia so naimatonan na sumusulat tan umaanlong ya oala ni’ra ed kalangoeran, singa met la pulitika so litiratura tayo naani. Anggapo’y yaliguas tonia ta pian mipara ed kalidad na litiratura ed kaabay tayo ‘ran nasion ed biak taew no saray umaanlong tayo et anggapo’y pankakasakey.
Angan ko kanepegan lan ombulaslas so Renaissance na litiraturan Pangasinan ontan met ed litiratura na arum ni’ran luyag. Paulian tayo lan manganlong ira’y Tagala ed dili ran salita.
Akin et nibagak iya?
Atongtong nen Bienvenido Lumbera ed liktura to aminsan ed UST so sakey a Kastilan nansulat na anlong ed salitan Tagalog tan impabasa to’ya ed umaanlong a Tagala. Say kuan na umaanlong “maganda... datapwat hindi tula”. Nagagaoa iya natan ed saray umaanlong ya alioan Tagala tan kumaduan dila ra labat so Tagalog, Pilipino o Filipino.
No ontan sirin, no say sakey ya umaanlong a dapo ed Pangasinan et anganlong ed salita o lingguahi tayo, nibagak met ya “marakep... bangbalet alioan anlong” so anlong to anggan anto’y dakep tonia.
Psywar anto?
Comments