Poetry contests as ego-boosters
Nen imbeneg a taon 2006 ed bulan na Agosto, sakey so salitan Pangasinan ed intopleg a paliagan na anlong dia'd panamegley na Komisyon sa Wikang Filipino (KWF). Bangta, singa insalet labat so Pangasinan ta ag iya abitla ed impalapag a press release.
Anggaman ontan, lapu'd seseg nen Dr. Marot Nelmida-Flores, alagyat si pangolon komisioner Nolasco ya pundoan so paliagan para ed Pangasinan. Kapangipakabat nen Dr. Flores ed siak ya natuloy so paliagan, amikal kamin tampol tan amaarap ed Pangasinan pian ipakabat met ed saray kabiangan ono miembro na Ulupan na Pansiansia'y Salitan Pangasinan. Nankasakeyan mi no siopa 'ra so magmaliw a hurado.
Dia'd maganon pangidalatdat, agmi inilaloan so nepeg ya ilaloan. Agawa tan asumpal so paliagan bangta wala 'ra'y totoon ambelat so linawa ra ta ag ira apalugaran tan agda agamoran so dayew a nayarin inter na sakey a paliagan.
Angga ni'd natan et agda ni natalusan no akin et saray apili tan analo ed saman a paliagan et wala ni'd kalangweren. Agko la nakaukulan ya ipatalus no akin.
Masurin tua ya say paliagan na anlong odino poetry contest a kuan et ego-boosters. Laut la no katekep tonia'y premio tan ngaran a mansiansia ed awaran na kuritan a Pangasinan. Saray arum balet malikeliket lan naigalut ono naipalapag so anlong da ed saray kabat o papolar iran babasaen ono palapagan.
Arap-arapen la lamet na Gawad Komisyon 2007, tan dia'd sayan taon opisial lan kabiangan tan inlukas so paliagan ed anlong tan antikey a tongtong. Ed saray ag apalaran nen imbeneg a taon, aya la so nayarin pakabawi ran nakalawit so pitamitan dan bunga na sagput da.
Bangbalet, omamengen met komun na saray onsali ed paliagan ya say nagamoran dan tomang ono premio et aliwan sikato so manunan getma na sakey ya umaanlong ono sumusulat.
Say poetry contests tan awards et ego-boosters labat. Mas itdan ko ni na ambelat a simbang so pangigalut tan pangipalapag na sakey a libron onabobon ed ibulaslas na litiraturan Pangasinan.
Anggaman ontan, lapu'd seseg nen Dr. Marot Nelmida-Flores, alagyat si pangolon komisioner Nolasco ya pundoan so paliagan para ed Pangasinan. Kapangipakabat nen Dr. Flores ed siak ya natuloy so paliagan, amikal kamin tampol tan amaarap ed Pangasinan pian ipakabat met ed saray kabiangan ono miembro na Ulupan na Pansiansia'y Salitan Pangasinan. Nankasakeyan mi no siopa 'ra so magmaliw a hurado.
Dia'd maganon pangidalatdat, agmi inilaloan so nepeg ya ilaloan. Agawa tan asumpal so paliagan bangta wala 'ra'y totoon ambelat so linawa ra ta ag ira apalugaran tan agda agamoran so dayew a nayarin inter na sakey a paliagan.
Angga ni'd natan et agda ni natalusan no akin et saray apili tan analo ed saman a paliagan et wala ni'd kalangweren. Agko la nakaukulan ya ipatalus no akin.
Masurin tua ya say paliagan na anlong odino poetry contest a kuan et ego-boosters. Laut la no katekep tonia'y premio tan ngaran a mansiansia ed awaran na kuritan a Pangasinan. Saray arum balet malikeliket lan naigalut ono naipalapag so anlong da ed saray kabat o papolar iran babasaen ono palapagan.
Arap-arapen la lamet na Gawad Komisyon 2007, tan dia'd sayan taon opisial lan kabiangan tan inlukas so paliagan ed anlong tan antikey a tongtong. Ed saray ag apalaran nen imbeneg a taon, aya la so nayarin pakabawi ran nakalawit so pitamitan dan bunga na sagput da.
Bangbalet, omamengen met komun na saray onsali ed paliagan ya say nagamoran dan tomang ono premio et aliwan sikato so manunan getma na sakey ya umaanlong ono sumusulat.
Say poetry contests tan awards et ego-boosters labat. Mas itdan ko ni na ambelat a simbang so pangigalut tan pangipalapag na sakey a libron onabobon ed ibulaslas na litiraturan Pangasinan.
Comments