Of thieves and Urduja
Wala 'ra'y mantetepet no anto so riaksion ono no anto so nibagak ed say pilikulan animasion ya Urduja. Anggaman pataway labat so anengneng ko ed Youtube, anggapo ed nonot kon bantayan iya no ipalabas da la. Ag ak balet manduaruwan idayew ira'y "animators" ya nanggawa ed sayan pilikula anggano ambelat so linawak ed saray totoon anakew ed sakey ed saray "cultural icons" na Pangasinan.
Tinakew da so kanepegan min taga-Pangasinan no iner si Urduja et kabiangan la na pakabirbiran na boleg min Pangasinenses. Aya et lapu ed ngaran na inka-Filipino tan komersialismo.
Anggapo'y ley ya mangiyaagel ed kultura, salita tan kuritan na Pangasinan. Sirin amin ya nipaakar ed Pangasinan, yaman man ya pisikal odino andi, anggapo'y balur to angga'd saraya et nawalaa'y "commercial value" tan magmaliw iran makana ed inkalapag ya bansa.
Masurin wala'd samput so pagbabawi tan anggapo'y natetel ko nipaakar ed si Urduja. Anggano sikato so musia na an-anlong tan kuritan ko, atakew da 'yan akamulagat ak.
Singa ra pinaksot so gisla na kamareruak. Tabeg tan bagnek iya ed laem na inkatook bilang ilalak na Pangasinan.
Ipalugar ko natan tan palabasen ya singa no anggapo'y agawa ta agko inilaloan so getma tan gatel na otek da'ra'y matatakew ya artista. Balet ontan la'y pilalek kon naliing ira'y manuoley ed luyag tan saray amin ya kaluyagan. Yagel da komun so yaman na kulturan Pangasinan sakbay irayan nabalang odino nasamsam na siopaman.
Tinakew da so kanepegan min taga-Pangasinan no iner si Urduja et kabiangan la na pakabirbiran na boleg min Pangasinenses. Aya et lapu ed ngaran na inka-Filipino tan komersialismo.
Anggapo'y ley ya mangiyaagel ed kultura, salita tan kuritan na Pangasinan. Sirin amin ya nipaakar ed Pangasinan, yaman man ya pisikal odino andi, anggapo'y balur to angga'd saraya et nawalaa'y "commercial value" tan magmaliw iran makana ed inkalapag ya bansa.
Masurin wala'd samput so pagbabawi tan anggapo'y natetel ko nipaakar ed si Urduja. Anggano sikato so musia na an-anlong tan kuritan ko, atakew da 'yan akamulagat ak.
Singa ra pinaksot so gisla na kamareruak. Tabeg tan bagnek iya ed laem na inkatook bilang ilalak na Pangasinan.
Ipalugar ko natan tan palabasen ya singa no anggapo'y agawa ta agko inilaloan so getma tan gatel na otek da'ra'y matatakew ya artista. Balet ontan la'y pilalek kon naliing ira'y manuoley ed luyag tan saray amin ya kaluyagan. Yagel da komun so yaman na kulturan Pangasinan sakbay irayan nabalang odino nasamsam na siopaman.
Comments