Jurassic la’y Pangasinan!
Makapaermen ya ag lamet akaiba ono akapila so Pangasinan ed paliagan na NCCA ed sayan taon - say 2009 Writers Prize. Ed saray salitan Filipino, Ilocano, Bicolano, Cebuano tan Kapampangan labat. Anggapo met so paliagan para ed Hiligaynon (Ilonggo) tan Waray.
Dua’y taon met lan ag akaiba so Pangasinan ed paliagan na anlong ed Gawad Komisyon na KWF. No ag ak nalilingo, anggapo la’y suporta tan pundo tonia a manlalapu ed DJGT Foundation ya inletneg nen Dr. Antonio L. Tamayo, say apilin komisioner na KWF para ed Pangasinan.
Maboblay met so Ulupan na Pansiansia’y Salitan Pangasinan (UPSP) ta anggapo’y baleg a proyikto tonia ed impangolo nen Dr. Rod Javier. Silalalon anggapo met so nanengneng ya konkriton program na lokal ya gobierno nipaakar ed ibulaslas na salita tan kuritan o litiraturan Pangasinan.
Anggaman dua’ra so libro (Pinabli 2nd ed. tan Ghazalia) ya pilalek kon naipalapag ed sayan taon, ag anganko natoor lapu’d kakulangan na tagano tan pundo pian naigalut iraya.
Lamet, abalkot na odiem tan ambelat ya lurem ira’y umaanlong tan sumusulat ya Pangasinan. Ontan la’y pililikna tan panangaro mi ed tawir tan abangonan ya salita, bangbalet, agmi napanuleyan so kipapasen tonia laut la no say intiron luyag et anggapo odino agto bibirbiren so dili ton kailalakan na umaanlong.
No iner la natan so kawalaan na salitan Pangasinan?
Jurassic odino extinct la’y Pangasinan!
Dua’y taon met lan ag akaiba so Pangasinan ed paliagan na anlong ed Gawad Komisyon na KWF. No ag ak nalilingo, anggapo la’y suporta tan pundo tonia a manlalapu ed DJGT Foundation ya inletneg nen Dr. Antonio L. Tamayo, say apilin komisioner na KWF para ed Pangasinan.
Maboblay met so Ulupan na Pansiansia’y Salitan Pangasinan (UPSP) ta anggapo’y baleg a proyikto tonia ed impangolo nen Dr. Rod Javier. Silalalon anggapo met so nanengneng ya konkriton program na lokal ya gobierno nipaakar ed ibulaslas na salita tan kuritan o litiraturan Pangasinan.
Anggaman dua’ra so libro (Pinabli 2nd ed. tan Ghazalia) ya pilalek kon naipalapag ed sayan taon, ag anganko natoor lapu’d kakulangan na tagano tan pundo pian naigalut iraya.
Lamet, abalkot na odiem tan ambelat ya lurem ira’y umaanlong tan sumusulat ya Pangasinan. Ontan la’y pililikna tan panangaro mi ed tawir tan abangonan ya salita, bangbalet, agmi napanuleyan so kipapasen tonia laut la no say intiron luyag et anggapo odino agto bibirbiren so dili ton kailalakan na umaanlong.
No iner la natan so kawalaan na salitan Pangasinan?
Jurassic odino extinct la’y Pangasinan!
Comments
I may not speak the dialect (i was not brought up using it), I still damn proud of my Province, the Dialect and the People - Pangasinan!