Liblibro, anlongan tan arum ni’ran ey-ey
Sanen imbeneg a taon ko ni asumpal so komaduan idision na librok ya Pinabli tan arum ni’ran Anlong (Beloved and Other Poems). Silalalon apaleenan ko la’ya legan a susumpalen kon ikorit so komatlon librok a wala’y titulo odino paulon Immaculate Temptation: Pangasinan Ghazals and Other Poems. Ghazalia so unaan ya nononoten kon paulo ed saya bangta nauman lapu’d pilalek (ya imparalan ed kugkugip) na pinablik ya musia. Pirawat kon naipalapag irayan libro ed sayan taon sakbay na pangigapok lamet na sakey odino panumpal ed ginapoan ko lan anlong ya ipikon Anakbanua.
Maliket ak ta anggano anto so irap na kipapase’y umaanlong tan sumusulat a Pangasinan natan et wala so agawan anlongan odino poetry reading ed SM Rosales nen a-10 na Hunio. Ag ak akakar ed abitlan anlongan balet linma ira di Erwin Fernandez, Jessamyn Diokno tan Melchor Orpilla. Akabatan ko met ya wala ‘ra’y impalatag dan liblibro diman nipaakar ed Pangasinan tan pigara ed saray obra da’ra’y anganlong. Dia’d say tua, maawaran so agawan anlongan ta mataltalag iyan nagagawa.
Ipapasabik so masimoon ya pisasalamat ed kinen Ging Cardinoza ta impalapag to ed Facebook ira’y inalan litrato. Alagaren ko met so artikulo dan ompaway ed PDI.
Agni maltaw so balur na poetry reading ed saray kalangweran natan laut la ed saray manaaral ed atagey iran awiran. Makapuy tan pabes ni so tupa na anlong a Pangasinan ed saray balon kailalakan ta aliwa iyan singa kansionan (music) tan pinintura (visual arts) ya wala’y dili ran lingguahi (tanol tan kolor) ed kalapagan odino international language ya kuan.
Makapaermen met ya nonoten ya angga ed natan say kuritan ya Pangasinan et agni aaralen ed saray awiran. Saray umaanlong tan sumusulat tayo et akayangga ed dili ran noosphere tan ag kabat ono bibirbiren ed sinulmingan dan baley, ed dili ran luyag. Sengeg iya na ama’y tatawagen dan self-exile da’ra’y umaanlong odino say ibebeneg da ed nanlapuan tan tawir ya salita.
Say balanek da natan, “Akin et mansulat ak ni ed Pangasinan no sarasarag ko met so mansulat ed Tagalog/Filipino tan Inglis?”
Ag ira natetel tan agla pankelawan no 99% ed saray tobunbalo manidad na talumplo paabeba et ag makapansalita na maptek tan ag makasulat na dugan Pangasinan.
Maliket ak ta anggano anto so irap na kipapase’y umaanlong tan sumusulat a Pangasinan natan et wala so agawan anlongan odino poetry reading ed SM Rosales nen a-10 na Hunio. Ag ak akakar ed abitlan anlongan balet linma ira di Erwin Fernandez, Jessamyn Diokno tan Melchor Orpilla. Akabatan ko met ya wala ‘ra’y impalatag dan liblibro diman nipaakar ed Pangasinan tan pigara ed saray obra da’ra’y anganlong. Dia’d say tua, maawaran so agawan anlongan ta mataltalag iyan nagagawa.
Ipapasabik so masimoon ya pisasalamat ed kinen Ging Cardinoza ta impalapag to ed Facebook ira’y inalan litrato. Alagaren ko met so artikulo dan ompaway ed PDI.
Agni maltaw so balur na poetry reading ed saray kalangweran natan laut la ed saray manaaral ed atagey iran awiran. Makapuy tan pabes ni so tupa na anlong a Pangasinan ed saray balon kailalakan ta aliwa iyan singa kansionan (music) tan pinintura (visual arts) ya wala’y dili ran lingguahi (tanol tan kolor) ed kalapagan odino international language ya kuan.
Makapaermen met ya nonoten ya angga ed natan say kuritan ya Pangasinan et agni aaralen ed saray awiran. Saray umaanlong tan sumusulat tayo et akayangga ed dili ran noosphere tan ag kabat ono bibirbiren ed sinulmingan dan baley, ed dili ran luyag. Sengeg iya na ama’y tatawagen dan self-exile da’ra’y umaanlong odino say ibebeneg da ed nanlapuan tan tawir ya salita.
Say balanek da natan, “Akin et mansulat ak ni ed Pangasinan no sarasarag ko met so mansulat ed Tagalog/Filipino tan Inglis?”
Ag ira natetel tan agla pankelawan no 99% ed saray tobunbalo manidad na talumplo paabeba et ag makapansalita na maptek tan ag makasulat na dugan Pangasinan.
Comments