Kanit (a Pangasinan Fable)

(inanlong a tongtong kabayaoasan)

sakey a kabuasan
mamaspasiar si Kanit ed paritpit
kapetek to’d mapalion a sukal
atertera’y linaew
say kuanton manetetel
agi! agay laya’y Linaew ay
pinuter to’y salik!

aliwan siak!
kuanen Linaew
si Agew ta tutunawen to ak!

agi! agay laya’y Agew ay
tutunawen to’y Linaew
kanian si Linaew pinuter to’y salik!

aliwan siak!
kuanen Agew
si Lurem ta sasanibsaniban to ak!

agi! agay laya’y Lurem ay
sasanibsaniban to’y Agew
si Agew tutunawen to’y Linaew
kanian si Linaew pinuter to’y salik!

aliwan siak!
kuanen Lurem
si Dagem ta ipapalirpalir to ak!

agi! agay laya’y Dagem ay
ipapalirpalir to’y Lurem
si Lurem sasanibsaniban to’y Agew
si Agew tutunawen to’y Linaew
kanian si Linaew pinuter to’y salik!

aliwan siak!
kuanen Dagem
si Padir ta sasamsamberan to ak!

agi! agay laya’y Padir ay
sasamsamberan to’y Dagem
si Dagem ipapalirpalir to’y Lurem
si Lurem sasanibsaniban to’y Agew
si Agew tutunawen to’y Linaew
kanian si Linaew pinuter to’y salik!

aliwan siak!
kuanen Padir
si Otot ta bubutboten to ak!

agi! agay laya’y Otot ay
bubutboten to’y Padir
si Padir sasamsamberan to’y Dagem
si Dagem ipapalirpalir to’y Lurem
si Lurem sasanibsaniban to’y Agew
si Agew tutunawen to’y Linaew
kanian si Linaew pinuter to’y salik!

aliwan siak!
kuanen Otot
si Pusa ta buabuagen to ak!

agi! agay laya’y Pusa ay
buabuagen to’y Otot
si Otot bubutboten to’y Padir
si Padir sasamsamberan to’y Dagem
si Dagem ipapalirpalir to’y Lurem
si Lurem sasanibsaniban to’y Agew
si Agew tutunawen to’y Linaew
kanian si Linaew pinuter to’y salik!

aliwan siak!
kuanen Pusa
si Aso ta uusilan to ak!

agi! agay laya’y Aso ay
uusilan to’y Pusa
si Pusa buabuagen to’y Otot
si Otot bubutboten to’y Padir
si Padir sasamsamberan to’y Dagem
si Dagem ipapalirpalir to’y Lurem
si Lurem sasanibsaniban to’y Agew
si Agew tutunawen to’y Linaew
kanian si Linaew pinuter to’y salik!

aliwan siak!
kuanen Aso
si Apuy ta dadangdangen to ak!

agi! agay laya’y Apuy ay
dadangdangen to’y Aso
si Aso uusilan to’y Pusa
si Pusa buabuagen to’y Otot
si Otot bubutboten to’y Padir
si Padir sasamsamberan to’y Dagem
si Dagem ipapalirpalir to’y Lurem
si Lurem sasanibsaniban to’y Agew
si Agew tutunawen to’y Linaew
kanian si Linaew pinuter to’y salik!

aliwan siak!
kuanen Apuy
si Linaew ta sesebseban to ak!

kuanko la et
si Linaew so amuter na salik!

aliwan siak!
aliwan siak!
kuanto lamet nen Linaew

amalaldis si Makauley
ed naimatunan ton pantuturoan da
akigtot si Karul
mannangis si Tawen
adelap si Dalin kayari’y pito’ran agew

dia’d kiew a naanor
wadma’y Aso ya akasampa
akadagi’d sikato’y Pusa
tan si Pusa sankatangal to’y Otot

si Kanit balet wala’d sakey a sanga
no iner igagayogoy to’y sali ton aputer

(Oktobri, 2003)

Comments

Post a Comment

Popular posts from this blog

Makata Issue No.10 is now available online featuring the poetry (in English, Tagalog, and Bikol) of our in-house and new poets Leo Fernandez Almero, Ana Ablaza Baluyut, Danny P. Barbare, Srinjay Chakravarti, Jose Jason L. Chancoco, Kristian S. Cordero, Lee de Guzman, Rosendo M. Makabali, Tony Mercado Peña, Alexander Martin Remollino, Bill Mitsuru T. Shimizu, Keli Stafford, and Nick Zegarac . Also included in this issue the literary column (in Bikol language) Vers Libre by Jose Jason L. Chancoco and Civil War! (Vox Pangasinense) by Fred Natividad. Kanit (anlong kabayaoasan) sakey a kabuasan mamaspasiar si kanit ed paritpit kapetek to'd mapalion a sukal atertera'y linaew say kuan ton manetetel agi! agay laya'y Linaew ay pinuter to'y salik! alioan siak! kuanen Linaew si Agew ta tutunaoen to ak! agi! agay laya'y Agew ay tutunaoen to'y Linaew kanian si Linaew pinuter to'y salik! alioan siak! kuanen Agew si Lurem ta sasanibsani
Read more

About | Santiago Villafania

Image
Santiago Villafania is a bilingual Filipino poet who writes in English and in his native language of Pangasinan. Born in Tuliao, Sta. Barbara, Pangasinan on 31 January 1971, Villafania graduated with a degree of Bachelor of Arts in English from the University of Pangasinan in 1991. Villafania advocates for the resurgence of Pangasinan as a literary language. His works in the vernacular are some of the most representative, if not among the few that comprise that Pangasinan contemporary literary body. In his first book Balikas na Caboloan (Verses from Caboloan), the Pangasinan anlong resurfaces asserting its tradition amidst intersecting and pollinating genres and literary influences. His book of poems, Malagilion: Sonnets tan Villanelles , is an attempt to open the propylaea of literary renaissance in Pangasinan. This second book by Pangasinan’s leading poet today is impressive in both form and substance. Villafania has created 300 sonnets and 50 villanelles in his own language that a
Read more

Gamal: A Collection of Pangasinan Short Stories

Dr. Linda R. Andaya released her first Pangasinan book entitled Gamal tan arum ni'ran antikey ya istorya . A collection of Pangasinan short stories. It's because of this book that I came out with the following sonnet: sonito 216 (ed libron Gamal tan arum ni'ran antikey ya istorya nen Dr. Linda R. Andaya) aliling to'y tanol na tambuyog ono hambayo'd gilig na dayat lalagyaten to'y kailalakan ed akualan na dilin salita sarayan antikey ya istorya so manliliing ed saray musia pian ombulaslas so panulatan dia ed Parnasu na Caboloan egpang irayan pakarukdukan na panangaro tan pangoliran tongtong irayan binmabalitok ed litiraturan Pangasinan parlasan mo'y matam kaluyagan isasalming tonia so kulturam
Read more