Balitok na Tolong o Santa Barbara

Balitok na Tolong o Santa Barbara
pangikinon ed si Don Daniel Maramba
(say malayug ya pangilugay ed sika
pinablin bayani na baley min aya)

limeng yo pa O balon kailalakan
dia’d pugaro ed dapit-letakan
wadia so palbayani tayon inggendan
insipan la ed akualan to nen Adan

sinmulming dia’d pinabpabli tayon baley
nen asagmak iya’d dayon impangoley
aman ‘ma’y panao’y maoges ya miskey
so linmagnap ed luyag tayon abagey

magter so dala’y anakbanuan abangon
nen kanepegan lan bawie'y balangon
inmusbong so sakey a filibustiron
somlang ed saray sankailin adayon

impanengneng to so maasnan ugali
ed agto inyangob ed lima na prayli:
akin et ontewek ak ed sayan lasi?
say alenleneg tin bagui karyan to ni!

balet ontan la so imis ton inala
so lima na praylin amta ton maruksa
akipasamanon andi’y pililikna
sengeg met la na impakapangaw tonia
nen say kawayangan et agamoran to
linman akimoyong ed si Aguinaldo
angolo na liman lasus ya sundalo
akibakal ed gilig na ilog Agno

dakel ma’y atiguay ed bakal ya aman
inlugay to so laylay na Katipunan
angga’d baley na Mangaldan tan Dagupan
inkorit ed dala ra’y bilay-awaran

tan angalompana so dengel na ngaran
dia’d apatiran sokung na Pangasinan
sinayon ya inter to so kagalangan
ed luyag - laut la’d baley a nianakan

lingayen yo pan wala ni’d kalangweran
say kalar na Ama’y Baley ag lingwanan
impangaro to’d saray kailalakan
nen panao’y bakal ya angga ni’d natan

kamaongan so nagnap ton intanggoyor
tan pilalek na karaklan so tinoor
angga’d nen inyorong to lan gobernador
irap na bilay wala’d linawan sipor

saray taytay tan inispalto ‘ran dalan
say kapitolion pilatek tayo natan
saraya et lapu ed sagput na ama’n
agto insiblet so bilay to’d karaklan

tinoor to so sakey a pangoliran:
agto tinepet no anto’y nagawaan
na luyag para ed sikato bang ingen
no anto’y nagawaan to’d kaluyagan

gali! galikayo dia’d Santa Barbara
baley na palbayanin Daniel Maramba
tan say kailalakan na masurin Asna
nanlapu’d boleg nen binari Urduja!

14 Abril 2010

Comments

Eric Noble said…
Salamat sa pagmamahal kay Daniel Maramba. Sana may translation din sa English at Tagalog.
2:06 AM
Post a Comment

Popular posts from this blog

Makata Issue No.10 is now available online featuring the poetry (in English, Tagalog, and Bikol) of our in-house and new poets Leo Fernandez Almero, Ana Ablaza Baluyut, Danny P. Barbare, Srinjay Chakravarti, Jose Jason L. Chancoco, Kristian S. Cordero, Lee de Guzman, Rosendo M. Makabali, Tony Mercado Peña, Alexander Martin Remollino, Bill Mitsuru T. Shimizu, Keli Stafford, and Nick Zegarac . Also included in this issue the literary column (in Bikol language) Vers Libre by Jose Jason L. Chancoco and Civil War! (Vox Pangasinense) by Fred Natividad. Kanit (anlong kabayaoasan) sakey a kabuasan mamaspasiar si kanit ed paritpit kapetek to'd mapalion a sukal atertera'y linaew say kuan ton manetetel agi! agay laya'y Linaew ay pinuter to'y salik! alioan siak! kuanen Linaew si Agew ta tutunaoen to ak! agi! agay laya'y Agew ay tutunaoen to'y Linaew kanian si Linaew pinuter to'y salik! alioan siak! kuanen Agew si Lurem ta sasanibsani...
Read more

A Pangasinan Christmas Carol : Galikin odino Aligando (Gift)

(say Galikin odino Aligando, kakansionen diad Agew ya Inkianak na Katawan) Masantos tan mablin oras So inter na Dyus laoas Ombangon itin misalamat Ombangon itin misalamat Tan inanak la'y Dyus anak Tan inanak la'y Dyus anak Ombangon itin onliing Agagi mi'ran ami-amin Ta inanak la nen Marian Birhin Ta inanak la nen Marian Birhin So ari'd taoen tan dalin So ari'd taoen tan dalin (Ebat ed Galikin) Galikin Galikin Kapastorisan Gali kayon Gali kayon manangigalang Ed ari ra'y Ed ari ra'y kataoaenan A dia'd Belen so nianakan A dia'd Belen so nianakan (Ebat ed Biteoen) Biteoen Biteoen kan pinmanengneng Diman ed Diman ed letaka'y agew Sikato 'ma'y Sikato 'ma'y tumtumbuken Na talo'ran ararin kuanen Na talo'ran ararin kuanen Ta nen baleg la’y lokun to Nen Marian ma-Divino Linma ya dinalaw to Linma ya dinalaw to Si Isabel a kapinsan to Si Isabel a kapinsan to Sakey ya anghil so dinmago San Gabriel so ngaran to Bang say kuan ton angiba...
Read more

About | Santiago Villafania

Image
Santiago Villafania is a bilingual Filipino poet who writes in English and in his native language of Pangasinan. Born in Tuliao, Sta. Barbara, Pangasinan on 31 January 1971, Villafania graduated with a degree of Bachelor of Arts in English from the University of Pangasinan in 1991. Villafania advocates for the resurgence of Pangasinan as a literary language. His works in the vernacular are some of the most representative, if not among the few that comprise that Pangasinan contemporary literary body. In his first book Balikas na Caboloan (Verses from Caboloan), the Pangasinan anlong resurfaces asserting its tradition amidst intersecting and pollinating genres and literary influences. His book of poems, Malagilion: Sonnets tan Villanelles , is an attempt to open the propylaea of literary renaissance in Pangasinan. This second book by Pangasinan’s leading poet today is impressive in both form and substance. Villafania has created 300 sonnets and 50 villanelles in his own language that a...
Read more