Anlong : Lawas kan Pinabli

(odino no panon kon pinatey si kupido)

no labik labat la natalusan
so rason no akin et wala'y bulan
ono labitewen ya inngaran ko'd sika
pinabli

baliwen ko'y amin a babaliwan
anggan say dayat na kanonotan
say laem na ilalam tan taew na liknaan
no sika so pansengegan

anggapo'y onterter ya lua
no say kolor tonia et ermen tan boblay
tan anggapo'y ingongot ya nalikna
ondalan ma'y salinap tan desiang

agewen ko'y labi tan labien ko'y agew
daput no narengel so tanila na bosis mo
daput no onaplos so yumis na imis mo
ed saray bibil ko tan gisla na kamareruak

alagaren ko'y andi anggaan
no bilang et sika'y makalingwan
lapu'd maralus ya ayat na maandon mundo
mansiansia ya sika so inaro

pitamitan ko'y isabi na agew
ya nalener ak ed aspito na matam
tan magmaliw ak ya anlong ed laman mo
no iner ak onsulming: sakey a balon adan

masurin sika so pinablin insipan --
say dalin kon sipur lan inggendan
impangaro na amalsan angoyos ed sika
dia ed dilik ya taglang

Comments

Post a Comment

Popular posts from this blog

Makata Issue No.10 is now available online featuring the poetry (in English, Tagalog, and Bikol) of our in-house and new poets Leo Fernandez Almero, Ana Ablaza Baluyut, Danny P. Barbare, Srinjay Chakravarti, Jose Jason L. Chancoco, Kristian S. Cordero, Lee de Guzman, Rosendo M. Makabali, Tony Mercado Peña, Alexander Martin Remollino, Bill Mitsuru T. Shimizu, Keli Stafford, and Nick Zegarac . Also included in this issue the literary column (in Bikol language) Vers Libre by Jose Jason L. Chancoco and Civil War! (Vox Pangasinense) by Fred Natividad. Kanit (anlong kabayaoasan) sakey a kabuasan mamaspasiar si kanit ed paritpit kapetek to'd mapalion a sukal atertera'y linaew say kuan ton manetetel agi! agay laya'y Linaew ay pinuter to'y salik! alioan siak! kuanen Linaew si Agew ta tutunaoen to ak! agi! agay laya'y Agew ay tutunaoen to'y Linaew kanian si Linaew pinuter to'y salik! alioan siak! kuanen Agew si Lurem ta sasanibsani...
Read more

A Pangasinan Christmas Carol : Galikin odino Aligando (Gift)

(say Galikin odino Aligando, kakansionen diad Agew ya Inkianak na Katawan) Masantos tan mablin oras So inter na Dyus laoas Ombangon itin misalamat Ombangon itin misalamat Tan inanak la'y Dyus anak Tan inanak la'y Dyus anak Ombangon itin onliing Agagi mi'ran ami-amin Ta inanak la nen Marian Birhin Ta inanak la nen Marian Birhin So ari'd taoen tan dalin So ari'd taoen tan dalin (Ebat ed Galikin) Galikin Galikin Kapastorisan Gali kayon Gali kayon manangigalang Ed ari ra'y Ed ari ra'y kataoaenan A dia'd Belen so nianakan A dia'd Belen so nianakan (Ebat ed Biteoen) Biteoen Biteoen kan pinmanengneng Diman ed Diman ed letaka'y agew Sikato 'ma'y Sikato 'ma'y tumtumbuken Na talo'ran ararin kuanen Na talo'ran ararin kuanen Ta nen baleg la’y lokun to Nen Marian ma-Divino Linma ya dinalaw to Linma ya dinalaw to Si Isabel a kapinsan to Si Isabel a kapinsan to Sakey ya anghil so dinmago San Gabriel so ngaran to Bang say kuan ton angiba...
Read more

About | Santiago Villafania

Image
Santiago Villafania is a bilingual Filipino poet who writes in English and in his native language of Pangasinan. Born in Tuliao, Sta. Barbara, Pangasinan on 31 January 1971, Villafania graduated with a degree of Bachelor of Arts in English from the University of Pangasinan in 1991. Villafania advocates for the resurgence of Pangasinan as a literary language. His works in the vernacular are some of the most representative, if not among the few that comprise that Pangasinan contemporary literary body. In his first book Balikas na Caboloan (Verses from Caboloan), the Pangasinan anlong resurfaces asserting its tradition amidst intersecting and pollinating genres and literary influences. His book of poems, Malagilion: Sonnets tan Villanelles , is an attempt to open the propylaea of literary renaissance in Pangasinan. This second book by Pangasinan’s leading poet today is impressive in both form and substance. Villafania has created 300 sonnets and 50 villanelles in his own language that a...
Read more