ARISTOS | Kinon ed Luyag
ANACBANUA (Child of the Sun), say manaltalon pilikulan anlong ed salitan Pangasinan nen Christopher Gozum ya akagamor na Prix de Signes award dia ed 10th International Festival Signes de Nuit ed Paris, France nen imbeneg ya Oktobri. Analo met na Digital Lokal Lino Brocka grand prize tan best director award dia ed Cinemanila fest nen 2009.
Impalabas iya ed Tele Bocal, sakey a French channel, nen Oct. 26, 2012. Sakbay tonia et impalabas met ed nanduruman film festivals dia ed Mumbai, Bangkok, Jeonju, tan Prague.
Araraya! Magnayon ka agin Chris ed impangilayug mo ed pilikulan Pangasinan.
* * * *
Naimbitaan ak saya’y arapen a Taboan 2013: The Philippine Writers Festival ya nagawa no Pibriro 7-9, 2013 dia ed Dumaguete City.
Kaiba so sanlasus ya sumusulat-diligado a manlapu’d manduraman pasen na bansa tan pigaran sumusulat manlapu’d biek-taew. Mi-taboan met so taloran National Artists for Literature. Wala ak ed komasiam a panel no iner idalatdat tan pantungtungan mi so pakdaar nipaakar ed “Experimenting with genres”.
Nipaakar ed Bonsaic Verses so iparungtal kon papil ya ikspirimintok ed haiku, haiga, senryu, tanka, tan arum nin antikey iran anlong ed salitan Pangasinan tan Inglis.
* * * *
Maliket ak ta likod ed sikara di Carlos Bulosan tan F. Sionil Jose, akabatan kon sarayan sumusulat et nanlapu so boleg da ono wala’y dala ran Pangasinan. Sikara di Manuel A. Viray, Herminio Beltran, Sr., tan Bayardo Estrada aman, Cirilo F. Bautista, Albert B. Casuga, Krip Yuson, tan Susan Lara.
Paimano ed say librarian na Provincial Capitol Library, yarum yo pa kaluyagan ed Pangasinaniana collection yo so liblibro da’raya’y abitlan sumusulat tan umaanlong.
* * * *
Ta lapu’d arap-arapen la’y basikawel, ibiang ko pa iya’y sakey ya anlong.
sonito 52
arap-arapen la’y basingkawel
aliwedweran da’ra’y dika’y dalin
mansisiiman ira’y binoluk
nagsitayak ira’y talabutob
kua’y sakey ditan agla ombatik
magana’y inkalangsot to salo
dia’d say tua wala’y pilalek to ni
mapatpatnag so kalareker to
wala’ra’y mamibilang la’y siwsiw
anggan agni nampusnak so nganak
say arum amarlang la’y kalutan
anggan agni ’ra akapanbanwit
onia so kultura’y politika
dia’d luyag linmereg la’d irap
Salaya tan Aristos!
http://sundaypunch.prepys.com/archives/2013/01/28/aristos-14/
Impalabas iya ed Tele Bocal, sakey a French channel, nen Oct. 26, 2012. Sakbay tonia et impalabas met ed nanduruman film festivals dia ed Mumbai, Bangkok, Jeonju, tan Prague.
Araraya! Magnayon ka agin Chris ed impangilayug mo ed pilikulan Pangasinan.
* * * *
Naimbitaan ak saya’y arapen a Taboan 2013: The Philippine Writers Festival ya nagawa no Pibriro 7-9, 2013 dia ed Dumaguete City.
Kaiba so sanlasus ya sumusulat-diligado a manlapu’d manduraman pasen na bansa tan pigaran sumusulat manlapu’d biek-taew. Mi-taboan met so taloran National Artists for Literature. Wala ak ed komasiam a panel no iner idalatdat tan pantungtungan mi so pakdaar nipaakar ed “Experimenting with genres”.
Nipaakar ed Bonsaic Verses so iparungtal kon papil ya ikspirimintok ed haiku, haiga, senryu, tanka, tan arum nin antikey iran anlong ed salitan Pangasinan tan Inglis.
* * * *
Maliket ak ta likod ed sikara di Carlos Bulosan tan F. Sionil Jose, akabatan kon sarayan sumusulat et nanlapu so boleg da ono wala’y dala ran Pangasinan. Sikara di Manuel A. Viray, Herminio Beltran, Sr., tan Bayardo Estrada aman, Cirilo F. Bautista, Albert B. Casuga, Krip Yuson, tan Susan Lara.
Paimano ed say librarian na Provincial Capitol Library, yarum yo pa kaluyagan ed Pangasinaniana collection yo so liblibro da’raya’y abitlan sumusulat tan umaanlong.
* * * *
Ta lapu’d arap-arapen la’y basikawel, ibiang ko pa iya’y sakey ya anlong.
sonito 52
arap-arapen la’y basingkawel
aliwedweran da’ra’y dika’y dalin
mansisiiman ira’y binoluk
nagsitayak ira’y talabutob
kua’y sakey ditan agla ombatik
magana’y inkalangsot to salo
dia’d say tua wala’y pilalek to ni
mapatpatnag so kalareker to
wala’ra’y mamibilang la’y siwsiw
anggan agni nampusnak so nganak
say arum amarlang la’y kalutan
anggan agni ’ra akapanbanwit
onia so kultura’y politika
dia’d luyag linmereg la’d irap
Salaya tan Aristos!
http://sundaypunch.prepys.com/archives/2013/01/28/aristos-14/
Comments