Aristos | Anacbanua | Pangasinan PEN
Dia’d Filipinas, say ‘propaganda movement’ no iner kabiangan si palbayanin Jose P. Rizal, Veronicans nen 1930s, Ravens nen 1950s (kabiangan ira di Adrian Cristobal, Virginia Moreno, Alejandrino Hufana, Andres Cristobal Cruz, Hilario Francia Jr., tan arum ni’ra), say Bagay poets na Ateneo nen 1960s (Rolando Tinio, Bienvenido Lumbera, Jose Lacaba, tan Edgar Alegre), tan say Philippine Literary Arts Council nen 1980s (Gemino H. Abad, Cirilo Bautista, Alfrredo Navarro Salanga, Ricardo de Ungria, tan Alfred Yuson). Saraya so ulupan da’ra’y sumusulat tan umaanlong kaiba met la’ra’y wala ‘ra’d rihion ya anibokel na kuritan ed lapag a bansa.
Dia’d luyag tayo, tinugyop nen Pablo Mejia so Awaran na Pangasinan nen Abril 1912 no iner kabiangan met ira’y ilustradon Pedro Ma. Sison, Antonio Sison, Daniel Maramba, Jose Jovellanos, tan arum ni’ra.
*******
Dia’d saya’y 2013 labat, atugyup so Anacbanua ya onaalagey met bilang sakey a tekap na organisasion a Philippine PEN (Poets/Playwrights, Essayists, Novelists) ed luyag. Kabiangan ed grupon Anacbanua ira di Christopher Gozum, Santiago Villafania, Melchor Orpilla, Marot Nelmida Flores, tan arum ni’ra. Say pegdat tonia et say pamasimbalo ono rinasieminto na Pangasinan ed panamegley na arti tan kuritan.
Inkuan nen Gozum, “Sapiten ya maong so nepeg a miembro. Nepeg a saray magmaliw a kabiangan tonia et wala la’y concrete artistic ono cultural outputs da la onung o nipaakar ed Pangasinan.”
*******
Lapud ta usaren la so salita tan litiraturan Pangasinan ed saya’y Mother Tongue Based Multilingual Education (MLE), pitamitam kon makapangipaway na libron nayarin usaren ed gradon 1-3.
Piaet kon natultuloy pian makapangipalapag ak na children’s book tan unaen kon isalibro so anlong kon ‘Kanit’.
Anto kaaron ey Virgilio Biagtan, gangganom la sirin so ilustrasion pian naiyanapan ta la na publisher?
Salaya tan aristos!
Comments