Poetics na Galing
Naimbitaan ak nen imbeneg a simba ya mansalita nipaakar ed pakdaar a “Pluma ng Agimat at Kawit: Ang Panitikang Kabitenyo sa Kontemporaryong Panahon” dia ed Aguinaldo Shrine, Kawit, Cavite.
Binasak so papil kon Poetics ng Agimat no iner imparungtal ko no anto koniksion na orasion tan anlong. Say tiuryak, saray orasion ya uusaren pian naayat ono nalagyat so bibii et anggapo so pandumaan to ed anlong na panangaro.
Say orasion et sakey a porma na anlong a tatawagen ya acrostic palindrome. Dia ed English say acrostic “a poem or other form of writing in which the first letter, syllable or word of each line, paragraph or other recurring feature in the text spells out a word or a message” tan say palindrome “a word, phrase, number, or other sequence of symbols or elements, whose meaning may be interpreted the same way in either forward or reverse direction.”
*******
Dia ed Pangasinan, “galing” so tawag tayo ed agimat ono anting-anting. Anggapo ni anganko so nan-research ono nanaral ed no anto so koniksion na kuritan tan anlong ed “galing”.
Say nialimbawak, wala’y akapangibaga ed siak nensaman ya say AEIOU say labay ton ibaga kono et “Adra Egosum Iroc Ovuv Utrunum”- sakey ya orasion pian ondunong tan pampatarem na mimoria.
Anto’y kuan yo ey?
Binasak so papil kon Poetics ng Agimat no iner imparungtal ko no anto koniksion na orasion tan anlong. Say tiuryak, saray orasion ya uusaren pian naayat ono nalagyat so bibii et anggapo so pandumaan to ed anlong na panangaro.
Say orasion et sakey a porma na anlong a tatawagen ya acrostic palindrome. Dia ed English say acrostic “a poem or other form of writing in which the first letter, syllable or word of each line, paragraph or other recurring feature in the text spells out a word or a message” tan say palindrome “a word, phrase, number, or other sequence of symbols or elements, whose meaning may be interpreted the same way in either forward or reverse direction.”
*******
Dia ed Pangasinan, “galing” so tawag tayo ed agimat ono anting-anting. Anggapo ni anganko so nan-research ono nanaral ed no anto so koniksion na kuritan tan anlong ed “galing”.
Say nialimbawak, wala’y akapangibaga ed siak nensaman ya say AEIOU say labay ton ibaga kono et “Adra Egosum Iroc Ovuv Utrunum”- sakey ya orasion pian ondunong tan pampatarem na mimoria.
Anto’y kuan yo ey?
******
Orasion na Dumaralus tan Sumisigay
dia’d pakapanyari na bukig-letakan
ya panooleyan to so amin a segsegang
dia’d pakapanyari na sagur-seslekan
no iner anggapo’y samben tan simpen na pitamitam
dia’d pakapanyari na baybay-amianan
no iner makakaimis so kapalaran ed kada agew na taon
dia’d pakapanyari na abalaten
no iner amin a pilalek ko nagamoran a bengat la
say sansinakuban magayaga
anapen ko so bilay ya arawi ed marumsis iran kanonotan
saray kimey tan awawey ko et kamaongan
saray kakanen ya isubok para ed laman tan kamarerua
saray kaliktan ko kaabigan
agko piogagep so onugaw ono ontatken
pinabangan ko no anto so wala ed sayan bekta
napno ak na panangasi ed inkapalsa
agko ilaloan so salat ono bales ed panangaron laem ed liknaan
ingen pirawat so pankanawnawa biskeg tan kumpiansa
saray sagiat tan lagiat na kanonotan
danasen to so bilay tan bilay-awaran
amin ya demeten ko magmaliw a yaman
tan kayamanan na kasipursipuran
Salaya tan aristos!
Comments